ACbit – Chega! Ba Ita Learning from the Past, for A Better Future
Related Articles
ACbit aprezenta ho orgulhu ami nia publikasaun foun “Sobrevive iha impunidade” ne’ebé mak konta istória feto sobrevivente sira husi munisípiu haat: Ainaro, Baucau, Bobonaro no Dili-Marabia.
“Livru ne’e hahú husi komitmentu ida atu buka dalan foun hodi servisu ho feto vítima sira, ne’ebé ema haluha ona. Husi ami nian habelun maluk ne’e, ami hatene sira iha forsa ba luta, no nafatin hetan dalan hasoru dezafiu oi-oin ne’ebé difisíl. Feto maluk balun bele moris naruk liu duké autór ne’ebé komete violénsia ba sira, maibé komunidade sira abandona tiha sira. Ami hakarak hetan dalan ida hodi tutan fali pontus sira husi sira nian pasadu no ita nia futuru hamutuk, la’os de’it foka sira nia istória triste iha tempu uluk, maibé mós atu konsidera sira nian istória no hetan enerjia foun ba mudansa. Husi kedas hahú, ami hakarak estabelese prosesu ida ne’ebé partisipatívu, ne’ebé produz rezultadu “vizuál”, inklui livru ida ne’ebé bele to’o grupu lee nain oi-oin : feto iha nivel suku, makaer polítika, universitáriu no feto bain-bain ne’ebé durante nian moris seidauk haree ka sente konflitu.”
Atu lee istória sira hotu, favór ida haree ba link iha kraik:
