Home / News / FETO FORTE NE’EBÉ LA DEZISTE

FETO FORTE NE’EBÉ LA DEZISTE

Data: Marsu 08, 2021

Author: Silverio Beli-Siri Andrade da Silva

Mana Luciana Ximenes hela iha Mauchiga, Ainaro. Nia sobrevive husi invasaun Indonézia iha Timor-Leste no hetan torturasaun ho violasaun oi-oin durante tempu invazaun hodi afeta ba nia ain sai moras ho kroniku.  Wainhira ami hasoru fali nia iha Setembru 2020, nia konta nia istória ba ami ho hamnasa.

“Hau hela iha Mauchiga ho hau nia laen no oan mane ho tinan 25 ne’ebé ho problema tilun (la rona ho diak) hau nia oan nunka ba eskola. Nia fa’an raihenek iha mota. Hau nia laen ho hau halo to’os no kuda modo ho koto. Ami mós ku’u (koileta) kafe no loke kios kiik. ACbit mak ajuda hau ho investimentu hodi hahu loke kios”

Wainhira husu kona-ba dezafiu ne’ebé nia hasoru, iha hetan rendimentu, mana Luciana hateten ema susar sosa raihenek mota nian ne’ebé mak nia oan mane fa’an. Sira depende liu ba rendimentu ki’ik ne’ebé hetan husi fa’an produtu lokal. Husi difikuldade sira ne’e hotu, Mana Luciana la senti kolen.

“Feto barak mak iha kios, tanba ne’e hau nia rendimentu ki’ik los. Ami nia to’os no uma dook husi estrada públiku. Ami lori ami nia produtu lao dook hodi asesu ba merkadu. Ami nia kafe halibur hamutuk iha estrada públiku, Leusati, Same. Kompañia kafe la mai Mauchiga hodi tula kafe, ami mak lao ba buka kareta hodi ba ami nia komprador sira. Ami koko fa’an koto iha merkadu lokal Dare no Ainaro Vila. Ami lao ba merkadu dook los, dalaruma ema la sosa, ami lori ami nia produtu fila fali.”

Mana Luciana kontinua servisu maka’as, maibe nia iha preokupasaun rasik.

“Hau ne’e veterana. Hau terus iha funu, maibe hau nunka rekoñese hanesan ne’e”

Ladun iha rekoñesimentu halo mana Luciana ho nia familia la hetan subsídiu veteranu. Nia preokupa ba ida ne’e, tinan aumenta ba bebeik no laiha koñesimentu hodi dezenvolve nia negosiu kiik ka halo negósiu foun, no sei lahetan rendimentu. Mana Luciana rejeita deziste, maibe nia hakarak lao neneik.

“Agora dadauk hau nia tinan 60,  .. hau hakarak lao neneik. Dalaruma hau bele suku iha uma, maibe hau laiha makina no laiha espasu própriu atu servisu iha uma.”

ACbit iha kolaborasaun servisu ho Fokupers no Hivos iha projetu Reforsa Hamutuk hodi apoiu ba feto sobrevivente sira ne’ebé forte hanesan mana Luciana. Apoiu fundus husi União Europea, projetu nia objetivu mak atu promove inkluzaun sosiál no dezenvolve ekonomia ba feto sobrevivente no vítima violénsia iha Timor-Leste liu husi hasae konxiénsia, fasilita treinamentu, estabelese rede servisu ho parseiru save sira husi governu, emprezáriu, fornesedór treinamentu, no sosiedade sivíl.

 

***

About ACbit

The saying “Chega Ba Ita” underlines our belief that the CAVR report was written based on the experiences and voices of the people, for the people. It is not a document that should be shelved and forgotten. It is a living document to be understood, debated, and re-invented for generations to come.

Check Also

Reforsa Hamutuk! Supporting Women Survivors’ Economic Development Through Bazaar and Seminar

Date: December 17, 2020 Author: Silverio Beli-Siri Andrade da Silva ACbit, Fokupers, and Hivos held …

Leave a Reply

Your email address will not be published. Required fields are marked *